राँची,मंसिर १४
पहिलो एकदिवसीय क्रिकेटमा भारतीय टोलीले प्रभावशाली प्रदर्शन गर्दै दक्षिण अफ्रिकालाई १७ रनले पराजित गरेको छ।
भारतले ५० ओभरमा ३३९ रन ८ विकेट गुमाएर बनायो। शीर्षक्रममा यशस्वी जायसवाल छिट्टै आउट भए। तर रोहित शर्माले ५७ रनको उत्कृष्ट पारी खेले। रुतुराज गायकवाडले ८ र वाशिङ्टन सुन्दरले १३ रन योगदान गरे। मध्यक्रमका विराट कोहलीले १३५ रन वनाएर टोलीको पारीको मेरुदण्ड बने। अन्त्यतिर केएल राहुलले ६० रन बनाउँदै भारतलाई बलियो योगफल खडा गराए।
लक्ष्य पछ्याउँदै दक्षिण अफ्रिकाले सुरुवातैमा तीन विकेट गुमायो। कप्तान एडेन मार्कराम ७ रनमा, क्विन्टन डि कक र रायन रिक्लेटन भने शून्य रनमै आउट भए। तर बीचक्रमका म्याथ्यु ब्रेट्ज्के ७२, टोनी डे जोरजी ३९, देवाल्ड ब्रेविस ३९, मार्को जान्सेन ७० र कोर्बिन बोश ६७ रन बनाए। यद्यपि, टोलीलाई लक्ष्यमा पुर्याउन सकिएन।
भारतीय बलिङ उत्कृष्ट रह्यो। कुलदीप यादवले चार विकेट लिए। हर्षित राणाले तीन, अर्शदीप सिंह दुई र प्रसिद्ध कृष्णाले एक विकेट लिए। कुलदीप र राणाको प्रभावकारी बलिङले दक्षिण अफ्रिकाको रन–गति रोकेको थियो।
यस जितसँगै भारतले श्रृंखला सुरुवातमै राम्रो सुरुवात गरेको छ।
