कुम्हालटोल टोल सुधार समाजद्वारा १७औ मासिक निःशुल्क भोजन कार्यक्रम

वीरगंज, २ फागुन । कुम्हालटोल टोल सुधार समाज, वीरगंज–७ ले शनिवार रेल्वेरोडस्थित पन्चमुखी हनुमान मन्दिर अगाडी १७औं निशुल्क भोजन कार्यक्रम सम्पन्न गरेको छ ।
कार्यक्रममा पर्यटक, बटुवा, रिक्सा, ठेला, इरिक्सा चालक, बिपन्न असहायहरूलाई दाल भात, आलु भन्टाको तरकारी र भुटेको हरियो खुर्सानी मुलाको अचार निशुल्क भोजन गराएको थियो ।
कुम्हालटोल टोल सुधार समाजका अध्यक्ष नन्दलाल राउत अहिरको अध्यक्षतामा सम्पन्न भएको कार्यक्रममा वीरगंज कपडा बैंकका अध्यक्ष संचारकर्मी लालबाबु सिंह, अमरटोल टोल सुधार समिति वीरगंजका सचिव युवा समाजसेवी नवराज भट्टराई, समाजका सचिव हेमन्त शाक्य, कोषाध्यक्ष बैधनाथ साह, सहसचिव रितेश गुप्ता, सल्लाहकारहरू समाजसेवी गौरी गुप्ता, सामुदायिक प्रहरी कुम्हालटोलका सचिव समाजसेवी श्रवणबहादुर रायमाझी, समाजसेवी गोबिन्द ताम्राकार, सुरज श्रीवास्तव लगायतको सहभागीता रहेको थियो।