वीरगंज
जनकपुर भाटभटेनी आज अपरान्ह ३ बजेदेखि बन्द भएको छ । अत्यधिक भीडभाड बढेको कारण भीड नियन्त्रण गर्न बन्द गर्नु परेको भाटभटेनी व्यवस्थापनले जनाएको छ । भाटभटेनी डिपार्टमेन्टल स्टोर्सका क्षेत्रीय व्यवस्थापक विनोद भट्टराईले जनकपुरको भाटभटेनी शनिवार अपरान्ह ३ बजेदेखि बन्द गरेर भीड निकाल्ने काम भएको बताए । गत असार ६ गते उद्घाटन भएको भाटभटेनी मधेश प्रदेशको आर्थिक नगरी वीरगंजपछिको दोस्रो स्टोर्स हो । नेपाल–भारत सीमा क्षेत्रसंग नजिकमा पर्ने जनकपुरमा आधुनिक स्तरको पहिलो पल्ट सुविधा सम्पन्न डिर्पाटमेन्टल स्टोर्स सञ्चालन भएपछि भीडभाड बढेको हो । खासगरी बालबालिका तथा यूवाहरुको चहलपहल बढेको बताइएको छ । वातानुकुलित वातावरणमा किनमेल गर्न,फोटो सेशनदेखि शर्ट भिडियो बनाउन एवं खेल खेल्न पछिल्लो समय भाटभटेनीको आउटलेटमा युवाहरुको चहलपहल बढने गरेको देखिन्छ ।वीरगंजमा पनि भाटभटेनी उद्घाटन हुदाँ हजारौ युवाहरुको चहलपहल बढेको थियो ।तर अहिले समान्य बनेको छ ।