पर्सा,१७ चैत्र –
काठमाडौँका पूर्व प्रमुख जिल्ला अधिकारी छविलाल रिजाल लाई प्रहरीले पक्राउ गरेको छ। उनलाई आज बिहान सुविधानगरस्थित निवासबाट पक्राउ गरिएको काठमाडौँ उपत्यका अपराध अनुसन्धान कार्यालय ले जनाएको छ।
गत भदौ २३ र २४ गते भएको नवयुवा आन्दोलनका बेला काठमाडौँका प्रमुख जिल्ला अधिकारी रहेका रिजाललाई जाँचबुझ आयोगको सिफारिसअनुसार अनुसन्धानका लागि पक्राउ गरिएको प्रहरीले जनाएको छ। आन्दोलनका क्रममा दमन गरेको आरोपमा उनीमाथि अनुसन्धान भइरहेको छ।
यसअघि प्रहरीले सोही घटनासम्बन्धी अनुसन्धानका क्रममा तत्कालीन प्रधानमन्त्री केपी शर्मा ओली र पूर्वगृहमन्त्री रमेश लेखक लाई समेत पक्राउ गरी अनुसन्धान गरिरहेको छ।
