वीरगंज ३ , जेठ –
काठमाण्डौ महानगरपालिकाकी कार्यवाहक मेयर सुनिता डङ्गोल फ्रान्समा हुने विश्वप्रसिद्ध ‘कान्स फिल्म फेस्टिबल’ मा सहभागी हुन जान लागेकी छन ।
महानगरले आयोजना गर्न लागेको ‘काठमाण्डौ फिल्म फेस्टिबल’ को अन्तर्राष्ट्रिय प्रवर्द्धन तथा औपचारिक घोषणा गर्ने उद्देश्यले उनको भ्रमण तय भएको हो ।
कार्यपालिका बैठकमा उनले आफ्नो भ्रमणको मुख्य उद्देश्य महानगरको फिल्म महोत्सवलाई विश्वस्तरमा चिनाउने रहेको जानकारी दिएकी छन ।
उनको अनुपस्थितिमा कार्यवाहक प्रमुखको जिम्मेवारी वडा नं. १ का अध्यक्ष भरतलाल श्रेष्ठलाई दिइएको छ ।
