वीरगंज, ६ जेठ –
जिल्ला प्रहरी कार्यालय पर्सा ले विगो भरी भराउ मुद्दामा अदालतबाट सजाय तोकिएपछि फरार रहेका एक प्रतिवादीलाई पक्राउ गरेको जनाएको छ ।
प्रहरीका अनुसार वडा प्रहरी कार्यालय श्रीपुरबाट खटिएको फैसला कार्यान्वयन टोलीले वीरगंज महानगरपालिका–२० तुल्सीबर्घी निवासी ५० वर्षीय अनुप महतोलाई पक्राउ गरेको हो ।
पर्सा जिल्ला अदालतको फैसलाअनुसार महतोलाई विगो भरी भराउ मुद्दामा २ वर्ष कैद सजाय तोकिएको थियो । विशेष सूचनाको आधारमा मंगलबार दिउँसो पक्राउ गरिएका उनलाई आवश्यक कानुनी प्रक्रिया पूरा गरी पर्सा जिल्ला अदालतमा बुझाइएको प्रहरीले जनाएको छ ।
