वीरगंज, असार ५
जिल्ला ट्राफिक प्रहरी कार्यालय पर्साले वीरगंजमा लापसे (लापरवाहीपूर्वक सवारी सञ्चालन) विरुद्ध विशेष चेकजाँच अभियान सञ्चालन गरेको छ। अभियानका क्रममा ५ जना चालक नियन्त्रणमा परेका छन्।
जिल्ला ट्राफिक प्रहरी कार्यालय पर्साका प्रमुख प्रहरी निरीक्षक दीपेन्द्र श्रेष्ठको नेतृत्वमा जिल्ला प्रहरी कार्यालय पर्सा र नारायणी अस्पतालको डा.दीपक चौरसियाको सहकार्यमा गण्डक क्षेत्रमा चेकजाँच गरिएको हो। पथलैया–वीरगंज सडकखण्डमा सञ्चालन गरिएको अभियानमा २२ जना चालकको लापसे परीक्षण गरिएको थियो।
परीक्षणका क्रममा १ जना निजी सवारी चालक र ४ जना सार्वजनिक सवारी चालकमा समस्या देखिएपछि उनीहरूलाई नियन्त्रणमा लिइएको प्रहरीले जनाएको छ। पक्राउ परेका चालकलाई आवश्यक कानुनी प्रक्रियाका लागि जिल्ला प्रहरी कार्यालय पर्सामा बुझाइएको छ।
प्रहरी निरीक्षक श्रेष्ठका अनुसार सडक दुर्घटना न्यूनीकरण र ट्राफिक अनुशासन कायम गर्न यस्ता अभियानलाई निरन्तरता दिइनेछ। प्रहरीले चालकहरूलाई ट्राफिक नियम पालना गर्न र जिम्मेवार ढंगले सवारी सञ्चालन गर्न आग्रह गरेको छ।
