हरैया – भारतबाट नेपाल प्रवेश गर्ने क्रममा अवैध रूपमा बस्दै आएका २ जना उज्बेकिस्तानी महिला नागरिकलाई भारतको सीमा सुरक्षा बल SSB ले पक्राउ गरी हरैया थानालाई बुझाएको छ।
पक्राउ पर्नेमा ३२ वर्षीया मखफूजा देखकोनोवा र ३५ वर्षीया मफतुना किलिचेवा रहेकी छन्।
पुलिसका अनुसार मखफूजा उज्बेकिस्तानको फरगना राज्य, क्यूकोन जिल्ला, फेजगाना गाउँ निवासी मखमदजोनकी छोरी हुन्। त्यस्तै मफतुना समरकंद राज्य, पयारी जिल्ला, जो’ जाओबोड गाउँ निवासी बखोदिरोवना की छोरी हुन्।
उनीहरूलाई भारतको बिहार राज्य, मोतिहारी जिल्ला अन्तर्गत पर्ने हरैया थाना क्षेत्रको कस्टम चौक, मैत्री पुल नजिकै भारतबाट नेपाल जाने क्रममा शंकाको आधारमा SSB टोलीले नियन्त्रणमा लिएको थियो।
अनुसन्धानका क्रममा दुवै महिला अवैध रूपमा भारतमा बस्दै आएको खुलेपछि उनीहरूलाई आवश्यक कानुनी कारबाहीका लागि हरैया प्रहरी थानाको जिम्मा लगाइएको छ। हरैया प्रहरीले थप अनुसन्धान अघि बढाएको जनाएको छ।
