वीरगंज, १५ असार ।
भोजपुरी प्रतिष्ठान, वीरगंजले आदिकवि सन्त कबिरको ६२९औं जन्मजयन्ती तथा विश्व भोजपुरी दिवसको अवसरमा कवि गोष्ठी तथा व्याख्यान कार्यक्रम सम्पन्न गरेको छ।
प्रमुख अतिथि अश्कले सन्त कबिरका विचार आज पनि समाजका लागि उत्तिकै सान्दर्भिक रहेको उल्लेख गर्दै भोजपुरी भाषा, साहित्य र संस्कृतिको संरक्षण तथा प्रवद्र्धनका लागि सबै पक्ष एकजुट हुनुपर्ने धारणा राखे। उनले मातृभाषाको संरक्षणसँगै नयाँ पुस्तालाई भोजपुरी भाषा र साहित्यप्रति आकर्षित गर्न यस्ता कार्यक्रम प्रभावकारी हुने बताए।
कवि गोष्ठीमा सहभागी स्रष्टाहरूले कबिरका मानवीय मूल्य, सामाजिक सद्भाव, समानता र सत्यको सन्देश समेटिएका कविता वाचन गरेका थिए। साथै, विश्व भोजपुरी दिवसको अवसरमा भोजपुरी भाषा, साहित्य र सांस्कृतिक पहिचानको संरक्षण तथा प्रवद्र्धनका विषयमा व्याख्यानसमेत प्रस्तुत गरिएको थियो।
सहभागीहरूले यस्ता साहित्यिक तथा सांस्कृतिक कार्यक्रमले भोजपुरी भाषा र साहित्यको विकाससँगै सामाजिक सद्भाव र सांस्कृतिक चेतनाको अभिवृद्धिमा महत्त्वपूर्ण योगदान पु¥याउने विश्वास व्यक्त गरेका थिए।
प्रतिष्ठानकी अध्यक्ष अनिता साहको अध्यक्षतामा सम्पन्न कार्यक्रममा भोजपुरी प्रतिष्ठानका सल्लाहकार तथा भाषा आयोगका निवर्तमान सदस्य महाकवि गोपाल अश्क, ध्रुव सिंह ठकुरी, विनोद मेहता र अजमत अली, उर्मिला गिरी, साविर अन्सारी, अनिशकान्त कुश्वाहालगायत साहित्यकार, भाषाप्रेमीहरूको सहभागीता थियो । कार्यक्रममा प्रतिष्ठानका सदस्य अमोद गुप्ताले गरेका थिए भने सञ्चालन श्याम सर्राफले गरेका थिए ।
२०८३ असार १५ गते सोमबार २२:३८
