काठमाडौं, १८ असार ।
काठमाडौंमा स्थित ओशो तपोवनद्वारा आयोजना गरिएको विशेष एवम् भव्य समारोहमा ‘अष्टावक्र महागीतामृत’ (अध्यात्म तथा अद्वैत वेदान्त दर्शन) कृतिको लोकार्पण गरिएको छ ।
साहित्यकार सुमी लोहनीद्वारा अनुसिर्जन गरिएको उक्त कृति साझा प्रकाशनबाट प्रकाशित भएको हो ।
दीप प्रज्ज्वलन र स्वस्तिवाचन गरी कार्यक्रमको सुरुवात गरिएको थियो भने कार्यक्रमको सञ्चालन स्वामी अर्हत्ले गर्नुभएको थियो । बोधिसत्व स्वामी आनन्द अरुण, साझा प्रकाशनका अध्यक्ष शेखर गिरी तथा अनुसर्जक सुमी लोहनीले संयुक्त रूपमा सो कृतिको लोकार्पण गर्नुभएको थियो।
कार्यक्रमका मुख्य वक्ता स्वामी आनन्द अरुणले ओशोले सन् १९७४ मा आफना निकटस्थ अठारजना साधकका बिच अष्टावक्र गीताको चर्चा गर्नुभएको, त्यसलाई विलक्षण र दुर्लभ ग्रन्थको रूपमा स्वीकार गर्नुका साथै सो ग्रन्थ जनकपुरको माटोमा जन्मिएको कारण त्यसको प्रवद्र्धनमा हामी बढी संवेदनशील हुनुपर्ने बताउनुभयो ।
उहाँले ओशोले राजा जनकलाई प्रभावित र वैराग्य प्रदान गर्नसक्ने अष्टावक्र गीतामा जम्मा २९८ श्लोक मात्र भए पनि ती श्लोकमा असाधारण अर्थ र प्रभाव रहेको तथा पहिलो २० श्लोकले नै राजा जनकलाई आफनो प्रभावमा लिन सक्षम भएको बताउनुभएको, अष्टावक्रवारे असङ्ख्य प्रवचन गर्नुभएको, सो प्रवचनका ६ वटा ग्रन्थ तयार भएका स्मरण गर्नुभएको थियो । उहाँले आपूmले जनकपुरमा अष्टावक्र मन्दिर बनाउन पहल गरेको र अष्टावक्र गीतालाई राष्ट्रिय कृति धोषणा गराउनका लागि निरन्तर लागिरहेको कुरा पनि बताउनुभयो ।
कार्यक्रमको आरम्भमा अनुसर्जक सुमी लोहनीले कृति रचनागर्भका वारेमा प्रकाश पार्दै आपूmले कोरोनाको विशिष्ट कालमा अष्टावक्र महागीता पढी सोबाट प्रभावित भएर आमपाठकलाई लाभ हुने गरी अनुसिर्जन गरिएको कुरा बताउनुभएको थियो ।
मन्तव्यकै क्रममा साझा प्रकाशनका अध्यक्ष शेखर गिरीले अष्टावक्र गीताका बोरमा आफनो विचार व्यक्त गर्नुभएको थियो । लोकार्पित कृतिको विशद समीक्षा गर्नुहुँदै डा. रमा भट्टराईले आमपाठकका लागि कृति उपयोगी हुने, महिला लेखक भएकीले उपेक्षित गर्न नहुने र आत्मबोधका सन्दर्भमा कृति सदैव उपयोगी रहेको बताउनुभएको थियो ।
उक्त कार्यक्रममा सुमी लोहनीका शिष्य डा.अनन्त अर्यालले अष्टावक्र महागीता ध्यान तथा सेवाभावसहित पठन हुनसके बुझ्न सकिने धारणा राख्दै सो गीताका वारेमा स्वामी रवि शङ्करले समेत सकारात्मक चर्चा गरेको प्रसङ्ग स्मरण गर्नुभएको थियो ।
साझा प्रकाशनबाट प्रकाशित ११२ पृष्ठको अष्टावक्र महागीतामृतको मूल्य २४० रहेको छ । समाचारस्रोतः वासुदेव अधिकारी
