हरारे, साउन ८
भारतले पहिलो टी–२० अन्तर्राष्ट्रिय क्रिकेटमा जिम्बाब्वेलाई ७ विकेटले पराजित गरेको छ। हरारेमा भएको खेलमा जिम्बाब्वेले दिएको १२६ रनको लक्ष्य भारतले १३.२ ओभरमै ३ विकेट गुमाएर पूरा गरेको हो।
भारतका १५ वर्षीय सूर्यवंशीले केवल १८ बलमै अर्धशतक पूरा गर्दै टोलीको जितमा महत्वपूर्ण योगदान दिए।
यसअघि ब्याटिङ गरेको जिम्बाब्वेले २० ओभरमा ७ विकेट गुमाएर १२५ रन बनाएको थियो। उसका लागि वेस्ली मधेवेरेले ३९ र रायन बर्लले २६ रन जोडे। भारतका मयंक यादव र प्रिन्स यादवले समान २–२ विकेट लिए।
दुई टोलीबीचको दोस्रो टी–२० खेल भोलि हुनेछ।
