पर्सा , साउन ३० –
नेपाल भलिबल लिग (एनभीएल) आगामी भदौ १९ देखि २७ गतेसम्म सञ्चालन हुने भएको छ ।
आयोजक केडिया ग्रुपका अनुसार पुरुष फ्रेन्चाइज भलिबल लिग राष्ट्रिय खेलकुद परिषद् (राखेप) को बहुउद्देश्यीय कभर्डहलमा सञ्चालन हुनेछ ।
प्रतियोगितामा ६ फ्रेन्चाइज टोलीको सहभागिता रहनेछ ।
खेलाडी अक्सनमार्फत खप्तड फाल्कोन्स, कर्णाली शिवराज, काठमाडौं रेड्स, अन्नपूर्ण स्पाइकर किंग्स, सगरमाथा स्माशर्स र मधेश वारियर्सले टोली निर्माण गरिसकेका छन् ।
प्रतियोगिताको खेलतालिका भने सार्वजनिक हुन बाँकी रहेको आयोजकले जनाएको छ ।
