काठमाडौं,३१ साउनःपहिलो टेस्टमा बंगलादेशले शानदार प्रदर्शन गर्दै अस्ट्रेलियालाई ९ विकेटले पराजित गर्दै इतिहास रचेको छ।
अस्ट्रेलियाको डार्विनमा भएको खेलमा दोस्रो इनिङमा अस्ट्रेलियाले दिएको ५७ रनको लक्ष्य बंगलादेशले मात्र एक विकेट गुमाएर पूरा गर्दै जित हात पारेको हो। यो जितसँगै बंगलादेशले पहिलोपटक अस्ट्रेलियाको घरेलु मैदानमा अस्ट्रेलियाली क्रिकेट टोलीलाई टेस्टमा पराजित गरेको छ।
यस खेलमा बंगलादेशले पहिलो इनिङमा ४२६ रन बनाएको थियो। जवाफमा अस्ट्रेलियाको टोली पहिलो इनिङमा १९८ रन र दोस्रो इनिङमा २८४ रनमा अलआउट भएको थियो।
बंगलादेशको जितमा तीव्र गतिका बलर हसन महमुदले महत्वपूर्ण भूमिका खेले। उनले खेलमा कुल ९ विकेट लिए। उत्कृष्ट प्रदर्शनका लागि उनलाई प्लेयर अफ द म्याच घोषित गरिएको थियो।
५७ रनको लक्ष्य पछ्याउने क्रममा बंगलादेशका लागि शदमान इस्लामले २५ रन तथा मोमिनुल हकले ३० रन बनाए। त्यस्तै, ताजिद हसन तमीम भने खाता नखोल्दै आउट भए।
