बारा- सिमरा बिमानस्थलमा बुद्ध एयरको जहाज उड्नु अघि इन्जिनमा समस्या आएपछि सिमरा बिमानस्थलमा ग्राउन्डेड भएको छ । अपरन्ह ४:४५ बजे सिमराबाट उड्नुपर्ने जहाज साँझ ५:११ बजे सिमरा बिमानस्थलमा अवतरण गरेको थियोे ।
बुद्ध एयरको उडान नम्बर ५६० को एटिआर ७२ विमान सिमरा बिमानस्थलमै रोकिएको छ भने यात्रुहरू फर्किएका छन् ।
काठमाडौ जान चढेको बिमानबाट ओर्लिएका कलैयाका ओम शंकर प्रसादले भाग्यले उडान रोकिदिएको बताए ‘उडिसकेपछी इन्जिन बिग्रन्थ्यो भने के हुन्थ्यो होला’ ओम शंकरले भने ।
बुद्ध एयरका सिमरा स्टेशन प्रमुख सुरेश रेग्मीले बिमानमा समस्या आएको पुष्टि गरे ।’इन्जिनमा समस्या आएकोले विमान उड्न सकेन, भोलि अर्को फ्लाइटमा काठमाडौबाट इन्जिनियर आएपछि मर्मत गरेर पठाउछौ’ रेग्मीले भने ।
रेग्मीका अनुसार उडान रोकिएको जहाजमा ४० जना यात्रु चढेका थिए । उनीहरूलाई बिहिवार बिहान अर्को फ्लाइट ब्यवस्थापन गरेर काठमाडौ पठाउने रेग्मीको भनाइ छ ।
