बारा , भदौ ९ —
बाराको जीतपुर सिमरा उपमहानगरपालिका–६ बाट ११ वर्षीया बालिका बेपत्ता भएकी छन्।
बेपत्ता हुनेमा स्थानीय सनाया खातुन रहेकी छन्। इलाका प्रहरी कार्यालय सिमराका अनुसार बालिका बेपत्ता भएको भन्दै उनकी आमा गुलाप्सा खातुनले मंगलबार मध्यान्ह प्रहरीमा निवेदन दिएकी हुन्।
इलाका प्रहरी कार्यालय सिमराका प्रहरी नायव उपरीक्षक दयाकृष्ण भट्टले बालिका बेपत्ता भएको निवेदन प्राप्त भएको जानकारी दिए।
प्रहरीका अनुसार निवेदन प्राप्त भएलगत्तै बालिकाको खोजी कार्य सुरु गरिएको छ। बालिका कहाँबाट र कसरी बेपत्ता भएकी हुन् भन्नेबारे पनि प्रहरीले आवश्यक अनुसन्धान गरिरहेको जनाएको छ।
