वीरगंज । नेपाली कांग्रेसका नेता तनवीर अन्सारी राष्ट्रिय स्वतन्त्र पार्टीमा प्रवेश गरेका छन् ।
राष्ट्रिय स्वतन्त्र पार्टी पर्साका जिल्ला अध्यक्ष एवं क्षेत्र नम्बर १ का सांसद हरि पन्त र रास्वपाका क्षेत्र नम्बर १ का सभापति युवा नेता तेज शमशेर जबराले अन्सारीलाई खादा तथा माला लगाएर पार्टीमा औपचारिक स्वागत गरेका हुन् ।
रास्वपा पर्सा जिल्ला अध्यक्ष तथा सांसद हरि पन्तले देशमा परिर्वतन र सुशासनका लागि युवा तथा समावसेवीहरूको रास्वपाप्रतिको आकर्षण बढ्दै गएको बताए। उनले भने, “पुराना दलहरूको परम्परागत शैलीबाट आजित भएका जनता र समाजका अगुवाहरू अहिले विकल्पको रूपमा राष्ट्रिय स्वतन्त्र पार्टीमा जोडिरहनुभएको छ। तनवीर अन्सारी जस्ता प्रभावशाली व्यक्तित्वहरूको आगमनले पर्सामा रास्वपा थप मजबुत भएको छ।”
वीरगंज महानगरपालिका वडा नं. ३ का युवा नेता, समाजसेवी तथा नेपाली कांग्रेसका पूर्व वडा सदस्य उम्मेदवार समेत रहेका तनवीर अन्सारीले सर्वसाधारणको सेवा र क्षेत्रको विकासका लागि आफूले रास्वपाको अभियानलाई रोजेको र आगामी दिनमा जनताको हकहितका लागि सक्रिय भएर लाग्ने प्रतिबद्धता व्यक्त गरे । तनवीर अन्सारी गत स्थानीय निवनर्चनमा नेपाली कांग्रेसका पूर्व वडा सदस्य उम्मेदवार थिए उनले एक हजार भन्दा बडि मत ल्याएका थिए ।
