परवानीपुर, २५ वैशाख/
पर्सामा नगन्य मात्रामा मकैखेती हुने गरेकोमा अहिले बढ्न थालेको छ । पर्साको वीरगंज महानगरपालिका, बहुदरमाई, पर्सागढी नगरपालिका, पटेर्वासुगौली, जीराभवानी र ठोरी गाउँपालिकालगायतमा गहुँको सिजनमा थोरै क्ष्Fेत्रफलमा मकैखेती हुँदै आएकोमा यस वर्ष सबैभन्दा बढी मकैखेती बहुदरमाईमा भएको छ ।
बहुदरमाई नपा–२ सिसियाडी बैरियामा करीब सय बिघाभन्दा बढी क्षेत्रफलमा मकैखेती भएको स्थानीय रामप्रवेश रामले बताए ।
गहुँभन्दा बढी मूल्य पाइने र नगदेबालीको रूपमा मकैखेतीलाई किसानहरूले अँगाल्दै गएपछि गहुँबालीको सट्टा किसानहरू मकैखेतीलाई प्राथमिकता दिन थालेका छन् ।
गहुँबाली प्रतिकट्ठा बढीमा दुई क्विन्टल उत्पादन हुन्छ भने मकैखेती प्रतिकट्ठा तीनदेखि चार क्विन्टल उत्पादन हुने हुँदा किसानहरूको आकर्षण मकैखेतीप्रति बढ्दै गएको अर्का किसान एवं अधिवक्ता सुनील कुशवाहा बताउँछन् ।
उनले डेढ कट्ठामा लगाएको मकैबालीको झारपात गाइफार्मको चारा (गुन्द्रुकजस्तो खानेकुरा–साइलेज) बनाउन बिक्री गरेको बताए । एक महीनापछि मकैबाली भिœयाउने त्यहाँका किसानहरूले बताए । करीब पाँच महीनाको अवधिमा प्रतिकट्ठा तीनपटक छदेखि १० किलो युरिया, पाँच किलो डिएपी र चारपटक सिंचाइ गर्दा किसानहरूले मनग्य आम्दानी गरिरहेको अर्का किसान रामकिसुन रामले बताए । एकअर्काको मकैबालीको उत्पादनबाट प्रभावित हुँदा पछिल्लो समय मकैबाली लगाउने किसानहरूको सङ्ख्या वृद्धि हुँदै गएको छ ।
