प्रस,वीरगंज,३१ वैशाख
शहरी स्वास्थ्य प्रबद्र्धन केन्द्र नगवा १६ले वडामा कार्यरत महिला सामुदायिक स्वयम सेवीकाहरूलाई एक एक थान मोबाईल सेट प्रोत्साहन स्वरुप प्रदान गरेको छ । स्वास्थ्य प्रबद्र्धन केन्द्रका प्रमुख अरुण यादवको पहलमा उपलब्ध भएका मोबाईलहरु वीरगञ्ज महानगरपालिका वडा नं. १६का वडाअध्यक्ष पर्शुराम चौरसियाले बुधबार हस्तान्तरण गर्नु भयो । स्वयम् सेवीकाहरू निकै कम ज्यालामा काम गर्ने गरेकोले प्रोत्साहनका लागि मोबाईल बितरण गरिएको केन्द्रका प्रमुख यादवको भनाई छ ।
मोबाईल प्राप्त गर्नेमा महिला सामुदायिक स्वयम् सेवीकाहरू सरिता देवी कर्ण,निलम साह, अनिता कुमारी,रिङक्की कुमारी,कल्पना बिष्ट रहेका छन । वडाका विभिन्न टोलहरूमा महिला सामुदायिक स्वास्थ्य स्वयम सेवीकाहरू निरनतर सक्रिय रहने भएकोले उनीहरु सग सहकाय गर्न सजिलो हुने केन्द्रका प्रमुख यादवले बिश्वास लिएका छ्न ।
