वीरगंज । स्टाफ नर्समा नाम निकालिदिने भन्दै ५० हजार रुपियाँ ठगी गरेको आरोपमा पर्सा प्रहरीले एक युवकलाई पक्राउ गरेको छ ।
प्रहरीका अनुसार स्टाफ नर्समा नाम निकालिदिने भन्दै ५० हजार रुपियाँँ ठगी गरेको भन्ने सूचनाका आधारमा जिल्ला प्रहरी कार्यालय पर्साबाट खटिएको प्रहरी टोलीले सोमवार साँझ करिब ५ बजे वीरगंज महानगरपालिका–८ बाट उनलाई नियन्त्रणमा लिएको हो ।
पक्राउ पर्नेमा पर्साको बहुदरमाई नगरपालिका–२ घर भई हाल वीरगंज महानगरपालिका–१५ मा डेरा गरी बस्दै आएका २७ वर्षीय रूपेश भन्ने कृष्णा प्रसाद पटेल रहेका छन् ।
पटेललाई नियन्त्रणमा लिएर ठगीसम्बन्धी घटनावारे थप अनुसन्धान भइरहेको जिल्ला प्रहरी कार्यालय पर्साले जनाएको छ ।
