वीरगंज , असोज ३ –
पर्सामा पहिलोपटक विज्ञान तथा प्रविधिलाई केन्द्रमा राखेर अन्तरविद्यालय प्रतिस्पर्धात्मक परीक्षा आयोजना हुने भएको छ।
विद्यार्थीमा विज्ञान तथा प्रविधिप्रतिको रुचि, ज्ञान र सिर्जनात्मक क्षमता बढाउने उद्देश्यले निचुटा माध्यमिक विद्यालयका विज्ञान शिक्षक राजु यादवको आयोजनामा परीक्षा हुन लागेको हो।
आयोजकका अनुसार प्रतियोगितामा जिल्लाका विभिन्न विद्यालयका विद्यार्थी सहभागी हुनेछन्। परीक्षाले विद्यार्थीलाई पाठ्यपुस्तकभन्दा बाहिर विषयवस्तुको गहिरो अध्ययन गर्न तथा आफ्नो ज्ञान र क्षमता परीक्षण गर्ने अवसर दिने शिक्षक यादवले बताएका छन्।
प्रतियोगिताले विद्यालयबीच शैक्षिक सहकार्यसँगै स्वस्थ प्रतिस्पर्धाको वातावरण निर्माण गर्ने आयोजकको विश्वास छ।
