परवानीपुर, १४ साउन/ वीरगंज–२१ परवानीपुरमा रहेको नेपाल राष्ट्रिय आधारभूत विद्यालयमा ब्रिटानिया नेपालले आर्थिक सहयोग गरी भौतिक संरचना विकास गरेको छ । सामाजिक उत्तरदायित्व वहन गर्दै परवानीपुरमा सञ्चालित ब्रिटानिया नेपालले दुईवटा शौचालय निर्माण गर्नुका साथै दुईवटा कक्षाकोठाको पनि मरम्मतसम्भार गरेको प्रधानाध्यापक रामेश्वर साहले जानकारी दिए ।
साहका अनुसार शौचालय नहुँदा शिक्ष्Fक, विद्यार्थीले समस्या भोग्नुपरेको थियो । २१ नं वडाका अध्यक्ष राधाकृष्ण रौनियारको पहलमा ब्रिटानियाले सो सहयोग गरेको उनले बताए । नवनिर्मित शौचालय र भवनको उद्घाटन ब्रिटानियाका महाप्रबन्धक सन्दीप बंसलले गरेका थिए । सो अवसरमा ब्रिटानिया नेपालका एचआर मैनेजर विनोद साह, अभिभावक, शिक्षक, स्थानीयको सहभागिता थियो ।