वीरगंज , कार्तिक १८ –
वीरगंज महानगरपालिकाका मेयर प्रत्याशी तथा राष्ट्रिय स्वतन्त्र पार्टी (रास्वपा) का महाधिवेशन प्रतिनिधि सुधीर पटेलले स्थानीयवासीसँगको भेटघाट तथा संवादलाई निरन्तरता दिएका छन् ।
यसैक्रममा पटेलले वीरगंज महानगरपालिका–१६ स्थित भन्सार टोलमा पुगेर स्थानीयसँग भेटघाट गरेका हुन् । भेटघाटका क्रममा उनले स्थानीयवासीका समस्या, गुनासा, आवश्यकता र अपेक्षाबारे जानकारी लिएका थिए ।
स्थानीयसँगको छलफलमा टोलको विकास, पूर्वाधार, सरसफाइ, खानेपानी, सडक तथा दैनिक जनजीवनसँग सम्बन्धित विषय उठेका थिए ।
जनताका वास्तविक समस्या बुझ्न टोल तथा बस्तीमै पुगेर उनीहरूका कुरा सुन्न आवश्यक रहेको पटेलले बताएका छन् । उनले आगामी दिनमा पनि वीरगंजका विभिन्न टोल तथा बस्तीमा पुगेर स्थानीयसँग भेटघाट र छलफललाई निरन्तरता दिने जनाएका छन् ।
