वीरगंज ७ माघ । इलाका प्रहरी कार्यालय नेवारपानी मकवानपुरले ११ किलो गांजासहित दुईजनालाई पक्राउ गरेको छ । जिल्ला मकवानपुर हेटौडा उ.म.न.पा. वडा नं. १९ नेवारपानी स्थित पूर्व पश्चिम सडकखण्डमा चेकजाँच गर्ने क्रममा नारायणगढबाट हेटौडा हुदै गौर जाँदै गरेको लु. १ ख ७३९५ नं. को यात्रीबाहक बसमा सवारजिल्ला पर्सा, सखुवाप्रसौनी गा.पा. वडा नं. ०१ बस्ने वर्ष ४२ को सुरेश दास थारू र पर्सागढी न.पा. वडा नं. ०२ बस्ने वर्ष २९ को अर्जुन महतो थारूलाई शंका लागि बसबाट ओराली खानतलासी गर्दा निजहरूले बोकेको झोला भित्र ११ किलो लागुऔषध गाँजा फेला परेको प्रहरीले जनाएको छ । दुवैजनालाई मकवानपुर जिल्ला अदालत हेटौडाबाट ७ दिनको म्याद थप अनुमती लिई अनुसन्धान भईरहेको प्रहरीले जानकारी गराएको छ ।