वीरगंज, २९ असार । वीरगंज बसपार्कस्थित भानु चोकमा रहेको आदिकवि भानुभक्त आचार्यको शालिक महानगरप्रमुख राजेशमान सिंहले अनावरण गरेका छन् ।
२१० औं भानु जयन्तीको अवसरमा आदिकवि भानुभक्त आचार्यको शालिकको नगरप्रमुख सिंहले अनावरण गरेका हुन् ।
मधेस आन्दोलनताका प्रदर्शनकारीहरुले फुटाएको भानुभक्त आचार्यको शालिक वीरगंज महानगरपालिकाले पुनरनिर्माण गरेको थियो ।
नगर प्रमुख राजेशमान सिंहको विशेष उपस्तिथिमा नेपाल सरकारबाट देवकोटा पुरस्कारबाट पुरस्कृत वरिष्ठ साहित्यकार भवानी क्षेत्री र नारायणी वाङ्गमय प्रतिष्ठानको अध्यक्ष डा. विशम्भर शर्माले संयुक्तरूपमा अनावरण गरेका थिए ।