वीरगंज, ५ फागुन । जिल्ला प्रहरी कार्यालय, पर्साले पर्सा जिल्लामा रहेका विभिन्न पुनःस्थापन केन्द्रका सञ्चालक एवं प्रतिनिधिहरूसँग अन्तक्र्रिया गरेको छ । प्रहरी उपरीक्षक गौतम मिश्रले पुनःस्थापना केन्द्रहरूमा सेवा लिइरहेका सेवाग्राहीहरूलाई उपचार तथा सुधारका उपायबारे जानकारी लिंदै सभ्य नागरिक बनाउन सबै पुनःस्थापना केन्द्रहरूले ध्यान दिनुपर्ने छलफल गरिएको थियो । पुनःस्थापना केन्द्रहरूले निर्वाह गर्नुपर्ने भूमिका, प्रवाह गर्ने सेवा सुविधा लगायत पुनःस्थापना केन्द्रमा घट्नसक्ने विभिन्न घटना तथा दुर्घटना न्यूनिकरण गर्ने सम्बन्धमा छलफल गरिएको थियोे ।