वीरगंज, १३ फागुन । बहुजन शक्ति पार्टीका राष्ट्रिय अध्यक्ष विश्वेन्द्र पासवानले वर्तमान सरकार भ्रष्टाचार र माफियाहरूको नियन्त्रणमा रहेको आरोप लगाएका छन् । बुधवार वीरगंजको होटल सम्झनामा रिपोर्टर्स क्लब पर्साले आयोजना गरेको साक्षात्कार कार्यक्रममा बोल्दै उनले देशभित्र विदेशी शक्तिहरूको चलखेल बढेको बताए । अध्यक्ष पासवानले इमानदार कर्मचारीहरूलाई हटाउने सरकारको नीति गलत भएको बताउँदै कुलमान घिसिङजस्ता इमानदार कर्मचारीलाई हटाएकोमा आक्रोश व्यक्त गरेका थिए । रिपोर्टर्स क्लब पर्साका अध्यक्ष कन्हैया गुप्ताको अध्यक्षतामा सम्पन्न साक्षात्कारमा पार्टीका केन्द्रीय सचिव गणेश पासवानसहित अन्य नेताहरूको उपस्थिति रहेको थियो ।