वीरगंज, २५ चैत । जिल्ला प्रहरी कार्यालय, पर्साले आफ्नै छोरीलाई करणी गरेको आरोपमा एकजना पितालाई पक्राउ गरेको छ ।
साइबर ब्युरो काठमाडौंले गूगल ड्राइभमा सेभ गरी राखिएको भिडियो अनुसन्धान गर्ने क्रममा आफ्नै छोरीलाई करणी गरेको आरोपमा वीरगंज महानगरपालिकाको छपकैयाबाट पितालाई पक्राउ गरिएको जनाएको छ ।
ती पिताले आफ्नै छोरीलाई करणी गरेर सोको भिडियो गूगल ड्राइभमा राखेको इमेल तथा फोनबाट साइबर ब्युरोलाई जानकारी पाएपछि अनुसन्धान गर्ने क्रममा पितालाई पक्राउ गरिएको जनाएको छ ।
चैत २२ गते साइबर ब्युरो र जिल्ला प्रहरी कार्यालय, पर्साको टोलीले छपकैयाबाट पितालाई पक्राउ गरी करणी सम्बन्धी कसूर र विद्युतीय इलेक्ट्रोनिक्स तथा कारोबार ऐन २०६३ अन्तर्गतको कसूरमा पर्सा जिल्ला अदालतबाट सात दिनको म्याद थप लिई अनुसन्धान भइरहेको जिल्ला प्रशासन कार्यालय, पर्साले जनाएको छ ।