परवानीपुर,२८ वैशाख ।
बाराको जीतपुरसिमरा उपमहानगरपालिका–२३ स्थित सडकमा बाप०२–०३९ प १०८५ नम्बरको मोटरसाइकल दुर्घटना हुँदा चालकको ज्यान गएको छ । आइतबार बिहान भएको दुर्घटनामा काठमाडौँ महानगरपालिका–३ स्वयम्भू बस्ने ३५ वर्षीय उमेश लामाको मृत्यु भएको प्रहरीले जनाएको छ । दुर्घटनामा गम्भीर घाइते भएका उनको वीरगंजस्थित नारायणी अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको नेपाल मेडीसिटी वयोधा अस्पतालमा उपचार भइरहेको छ ।