वीरगंज, १७ जेठ । पर्सा जिल्लाको सखुवाप्रसौनी गाउँपालिका वडा नं. २ मा आयोजित तेस्रो पचगाँवा गोल्ड कप फुटबलको उपाधि वीरगंज युथ एकेडेमीले उचालेको छ । शनिवार भएको फाइनल खेलमा आरम्भ भेट्रान्स वीरगंजलाई पेनाल्टी सुटआउटमा पराजित गर्दै वीरगंज युथ एकेडेमीले उपाधि जितेको हो । सखुवा प्रसौनी गाउँँपालिकाका अध्यक्ष यशवन्त यादवले उपाधि विजेता टिमलाई ट्रफी र प्रमाणपत्र प्रदान गरेका थिए । समापन समारोहमा गाउँँपालिकाकी उपाध्यक्ष शर्मिला विष्ट, वडा नम्बर २ का वडाध्यक्ष चिरञ्जीवी महतो थारू, प्रधानाध्यापक शिवनाथ चौधरी, इलाका प्रहरी कार्यालय एकटांगाका प्रहरी नायब निरीक्षक नवराज घिमिरे, बुद्धिजीवी भूपदेव चौधरी, आयोजक मुनसन क्लबका अध्यक्ष रामनाथ चौधरीको उपस्थिति रहेको थियो ।