वीरगंज, १६ असार । पथलैया– वीरगंज व्यापारिक मार्ग अन्तर्गत बाराको जीतपुरमा सोमवार दिउँसो ट्यांकरको ठक्करबाट मोटरसाइकल चालकको मृत्यु भएको छ । मृत्यु हुनेमा वीरगंज महानगरपालिका ३२ का २० वर्षीय महमद साहिल अंसारी रहेका छन् । वीरगंजबाट सिमरा आउँदै गरेको ना६ख २९९२ नम्बरको ट्यांकरले मधेश प्रदेश ०३–०२–०२४प ३९६९ नम्बरको मोटरसाइकललाई ठक्कर दिँदा चालकको मृत्यु भएको हो । सडक पार गर्ने क्रममा ट्यांकरले मोटरसाइकललाई ठक्कर दिएको प्रत्यक्षदर्शीले बताएका छन् । घटनालगत्तै चालकलाई वीरगंजस्थित नारायणी उपक्षेत्रीय अस्पताल लगिएपनि चिकित्सकले मृत घोषणा गरेका थिए । मोटरसाइकललाई ठक्कर दिने ट्यांकरसहित चालक जीतपुरसिमरा उपमहानगरपालिका २४ का ३० वर्षीय मेहरमान अंसारीलाई इलाका प्रहरी कार्यालय सिमरा अन्तर्गतको प्रहरी टोलीले नियन्त्रणमा लिएको छ ।