वीरगंज, २ साउन । माध्यमिक शिक्षा परीक्षामा ४.० जीपीए हासिल गरेका पर्साका आठजना विद्यार्थीहरूलाई शुक्रवार सम्मान गरिएको छ । अभिभावक संघ पर्साको आयोजनामा विपीसी. कलेजमा सम्पन्न कार्यक्रममा मुख्य अतिथि मधेश विश्वविद्यालयका उपकुलपति प्राडा दीपक शाक्यले वीरगंजमा पनि काठमाडौंसरह स्तरीय र भरपर्दाे शिक्षा उपलब्ध रहेको बताए । उनले आफ्नै ठाउँमा बसेर अध्ययन गर्नु उपयुक्त हुने बताए ।
कार्यक्रममा जिल्ला प्रहरी कार्यालय पर्साका प्रहरी उपरीक्षक गौतम मिश्र, इनोभेटिभ सोसाइटी वीरगंजका अध्यक्ष कमल चौगाई, त्रिजुद्ध विद्यालयका प्राध्यापक नवीन मिश्रलगायतको उपस्थिति थियो।