वीरगंज , भदौ २१ –
पर्सामा ४० किलो गाँजासहित एक जना पक्राउ परेका छन् ।
पसागढी नगरपालिका–३ का ६० वर्षीय गोरे लामालाई प्रहरीले आफ्नै घरबाट पक्राउ गरेको हो । विशेष सूचनाका आधारमा भदौ २० गते राति उनको घरमा खानतलासी गर्दा ड्रमभित्र लुकाएर राखिएको अवस्थामा ४० किलो गाँजा बरामद भएको प्रहरीले जनाएको छ ।
लामालाई नियन्त्रणमा लिएर जिल्ला प्रहरी कार्यालय पर्सामा राखिएको छ । घटनाबारे थप अनुसन्धान भइरहेको प्रहरी नायब उपरीक्षक चक्रबहादुर मल्लले जानकारी दिएका छन् ।
