नुवाकोट , भदौ २१ –
भोटेकोशी हुँदै त्रिशूली नदीमा आएको बाढीले ध्वस्त बनाएको नुवाकोटको विदुरस्थित तादी खोलामाथिको बेलिब्रिज पुनः जडान गर्न थालिएको छ ।
नेपाली सेनाले बाढीले पुल र सडक बगाएपछि विच्छेद भएको सडक सम्पर्क पुनःस्थापित गर्न बेलिब्रिज जडानको काम तीव्र बनाएको हो ।
यसैगरी सेनाले बेलिब्रिज नजिकै त्रिशूली नदीमाथि तुइनसमेत जडान गरिरहेको छ । तुइन सञ्चालनमा आएपछि तत्काल नदी वारपार गर्न सहज हुने अपेक्षा गरिएको छ ।
बेलिब्रिज पुनः जडान भएपछि नुवाकोटका प्रभावित क्षेत्रसँगै रसुवासँगको सडक सम्पर्कसमेत पुनःस्थापित हुने अपेक्षा गरिएको छ ।
